प्रतिपक्ष संवाद में पढ़े मतदाता जागरूकता पर भुवन बिष्ट की कुमाउनी रचना कुमाँऊनी रचना (मतदान जरूर करिया)

सबै आब जागरूक है जाओ,
ईवीएम कौं बटन कैं दबाओ।……
सबै मास्क जरूर लगाओ,
द्वी गज की दूरी लै बणाओ।
अधिकार वोट कैं दिणौंक छूँ,
सरकार हामूँकैं चूनंण छूँ।
दिलकिं बात वोट लै बताया,
वोट दिहूँ जरूर तुम जाया।
अधिकार आपण पछाणों,
पोलिंग बूथ जरूर तुम जाओ।
सबै आब जागरूक है जाओ,
ईवीएम कौं बटन कैं दबाओ।……
लोग चुनिया सबै ईमानदार,
जनसेवक हौल जो होशियार।
लालच तुम कभैं निं करिंया,
लोकतंत्र किं लाज धरिया।
महान जनता कि के छूँ कीमत,
वोट दिबे आब सबै बताया।
बूथ जैबेर कर्तव्य निभाओ,
वोट दिया सबूँकैं समझाओ।
सबै आब जागरूक है जाओ,
ईवीएम कौं बटन कैं दबाओ।……
उमर अठारह हौली वोटर कहलाया,
वोटर कार्ड बणां वोट दिंहूं जाया।
विकास करणीं कुर्सी में बैठाया,
मतदानैल सबक लै सिखाया।
जनता हूछौ यौ भौत महाना,
वोट अधिकार सबूँकैं पहचाना।
पाँच साल फिर तुम निं पछताया,
पोलिंग बूथ जरूर तुम जाया।
कोरोना सुरक्षा सबै अपनाया,
वैक्सीन लै सब जरूर लगाया।
भलिं सरकार वोटों लै बनाओ,
वोट दिहूँ सब तैयार है जाओ।।
सबै आब जागरूक है जाओ,
ईवीएम कौं बटन कैं दबाओ।…
रचनाकार – भुवन बिष्ट
(रानीखेत)